ಕೆಂದೆಳನೀರು
ಬೆಂಗಳೂರಿನಲ್ಲಿ ಹಿಂದಿಗಿಂತ ಹೆಚ್ಚಿನ ಸಂಖ್ಯೆಯಲ್ಲಿ ಈ ತಳಿಯ ಎಳನೀರು ಇತ್ತೀಚಿಗೆ ಕಾಣಿಸುತ್ತಿದೆ. ಇದು ತಮಿಳುನಾಡಿನಿಂದ ಬರುತ್ತದೆಯಂತೆ. ಇದು ಕಾಯಿಯಾದರೆ ಅಥವ ಕೊಬ್ಬರಿ ಆದರೆ ಚೆನ್ನಾಗಿರುವುದಿಲ್ಲವಂತೆ. ಹಾಗಾಗಿ ಎಳನೀರೇ ಮಾರಬೇಕು
ಆ ಮುದ್ದಿನ ಶ್ವಾನ ಆರು ಮಂದಿಯ ಜೀವ ಉಳಿಸಿದೆ…! ಅಚ್ಚರಿಯಾದರೂ ಇದು ನಿಜ. ಈ ಘಟನೆ ನಡೆದಿದ್ದು ಒಡಿಸ್ಸಾದ ಕೊರಪುತ್ ಜಿಲ್ಲೆಯಲ್ಲಿ. ಶಂಕರ್ ಪ್ರಸಾದ್ ತ್ರಿಪಾಠಿ ಎಂಬವರ ಮನೆಗೆ ಭಾನುವಾರ ಬೃಹತ್ ಸರ್ಪ ಎಂಟ್ರಿ ಕೊಟ್ಟಿತ್ತು. ಮನೆಯವರು ತಮ್ಮ ಕೆಲಸದಲ್ಲಿ ನಿರತರಾಗಿದ್ದ ಕಾರಣ ಈ ಹಾವನ್ನು ಯಾರೂ ಗಮನಿಸಿರಲಿಲ್ಲ. ಇದು ನೇರವಾಗಿ ಮನೆಯೊಳಗೆ ಹೋಗಿ ಬಚ್ಚಿಟ್ಟುಕೊಳ್ಳಲು ಯತ್ನಿಸಿತ್ತು. ಆದರೆ, ಅದೃಷ್ಟ ಚೆನ್ನಾಗಿತ್ತು. ಶಂಕರ್ ಪ್ರಸಾದ್ ಅವರ ಸಾಕು ನಾಯಿ `ಡಾಗಿ’ ಈ ಸರ್ಪವನ್ನು ಕಂಡಿತ್ತು. ಇದನ್ನು ನೋಡಿದ ತಕ್ಷಣ ಚಂಗನೆ ಹಾವಿನೆಡೆಗೆ ನೆಗೆದ ಡಾಗಿ ಸಮರಕ್ಕಿಳಿದಿತ್ತು.
ಇತ್ತ, ನಾಯಿ ಜೋರಾಗಿ ಬೊಗಳುತ್ತಿದ್ದದ್ದನ್ನು ಕೇಳಿ ಮನೆಯಿಂದ ಹೊರ ಬಂದು ನೋಡಿದ ಶಂಕರ್ ಪ್ರಸಾದ್ ಅವರ ಕುಟುಂಬಸ್ಥರು ಒಂದು ಕ್ಷಣ ದಂಗಾಗಿ ಹೋಗಿದ್ದರು…! ತಮ್ಮ ಮುದ್ದಿನ ನಾಯಿ ಬೃಹತ್ ಹಾವಿನೊಂದಿಗೆ ಅಕ್ಷರಶಃ ಕಾಳಗಕ್ಕಿಳಿತಿತ್ತು. ಹಾವು ತನ್ನ ಮೇಲೆ ದಾಳಿ ಮಾಡಲು ಯತ್ನಿಸುತ್ತಿದ್ದರೂ ಲೆಕ್ಕಿಸದ `ಡಾಗಿ’ ಅದರ ಮೇಲೆರಗಿತ್ತು. ಸುಮಾರು ಅರ್ಧ ಗಂಟೆಗೂ ಹೆಚ್ಚು ಕಾಲ ಹಾವು ಮತ್ತು ಶ್ವಾನ ಕಾದಾಡಿದ್ದವು. ಕೊನೆಗೂ ಶ್ವಾನ ಹಾವನ್ನು ಎರಡು ತುಂಡು ಮಾಡಿ ಕೊಲ್ಲುವುದರಲ್ಲಿ ಯಶಸ್ವಿಯಾಗಿತ್ತು.
ನಾಗರಹಾವು ಎಂದರೇನೇ ಭಯವಾಗುತ್ತದೆ. ಆದರೆ, ಈ ಶ್ವಾನ ಯಾವುದನ್ನೂ ಲೆಕ್ಕಿಸದೆ ಹಾವಿನೊಂದಿಗೆ ಹೋರಾಡಿದೆ. ಒಂದೊಮ್ಮೆ ನಾಯಿ ಈ ಹಾವನ್ನುಅಲ್ಲೇ ತಡೆಯದೇ ಇದ್ದಿದ್ದರೆ ಅದು ನೇರವಾಗಿ ಮನೆಯೊಳಗೆ ಬರುವ ಸಾಧ್ಯತೆ ಇತ್ತು. ಆಗ ಪರಿಸ್ಥಿತಿ ಏನಾಗುತ್ತಿತ್ತು ಎಂಬುದನ್ನು ಊಹಿಸುವುದಕ್ಕೂ ಸಾಧ್ಯವಿಲ್ಲ.
ನಾಯಿ ಹಾವಿನೊಂದಿಗೆ ಹೋರಾಡಿದ ಪರಿಯನ್ನು ನಾನು ವಿವರಿಸಲು ಸಾಧ್ಯವೇ ಇಲ್ಲ. ಹಾವು ನಮ್ಮ ನಾಯಿಗೂ ಕಚ್ಚಿ ಅದು ಕೂಡಾ ಸಾವನ್ನಪ್ಪ ಬಹುದು ಎಂದು ನಾನಂದುಕೊಂಡಿದ್ದೆ. ಆದರೆ,ನಮ್ಮ ಶ್ವಾನ ಚೆನ್ನಾಗಿದೆ. ಅದಕ್ಕೆ ಯಾವುದೇ ಅಪಾಯವಾಗಿಲ್ಲ ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ.
About the author /
admin
