ಕೆಂದೆಳನೀರು
ಬೆಂಗಳೂರಿನಲ್ಲಿ ಹಿಂದಿಗಿಂತ ಹೆಚ್ಚಿನ ಸಂಖ್ಯೆಯಲ್ಲಿ ಈ ತಳಿಯ ಎಳನೀರು ಇತ್ತೀಚಿಗೆ ಕಾಣಿಸುತ್ತಿದೆ. ಇದು ತಮಿಳುನಾಡಿನಿಂದ ಬರುತ್ತದೆಯಂತೆ. ಇದು ಕಾಯಿಯಾದರೆ ಅಥವ ಕೊಬ್ಬರಿ ಆದರೆ ಚೆನ್ನಾಗಿರುವುದಿಲ್ಲವಂತೆ. ಹಾಗಾಗಿ ಎಳನೀರೇ ಮಾರಬೇಕು
ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು.ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ಮಾತ್ರವಲ್ಲ, ತಮಿಳುನಾಡಿನಲ್ಲಿ ಸಾವಯವ ಕೃಷಿಗೆ ಉತ್ತೇಜನ ನೀಡಿದ್ದರು.
ತಮಿಳ್ನಾಡಿನಲ್ಲಿ ‘ಸೇವ್ ಅವರ್ ರೈಸ್’ ಅಭಿಯಾನದ ಸಾರಥಿಯಾಗಿದ್ದ ಜಯರಾಮನ್, ಇದಕ್ಕಾಗಿ ರಾಜ್ಯ ಮತ್ತು ಕೇಂದ್ರ ಸರ್ಕಾರಗಳಿಂದ ಹಲವಾರು ಪ್ರಶಸ್ತಿಗಳಿಗೆ ಪಾತ್ರರಾಗಿದ್ದರು.ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು. ತಿರುವರೂರು ಜಿಲ್ಲೆಯ ಅದಿರಂಗಂ ಜಿಲ್ಲೆಯು ಜಯರಾಮನ್ ಅವರ ಕಾರಣದಿಂದಾಗಿಯೇ 2006 ರಿಂದ ‘ನೆಲ್ ತಿರುವಿಳ’ ಎಂಬ ವಾರ್ಷಿಕ ಭತ್ತದ ಉತ್ಸವಕ್ಕೆ ಹೆಸರುವಾಸಿಯಾಗಿದೆ. ರಾಜ್ಯದೆಲ್ಲೆಡೆಯಿಂದ ಮತ್ತು ಹತ್ತಿರದ ಸ್ಥಳಗಳಿಂದ ಬರುವ ರೈತರು ಈ ಉತ್ಸವದಲ್ಲಿ ಪಾಲ್ಗೊಳ್ಳುತ್ತಾರೆ. ಕಳೆದ ವರ್ಷ ಸುಮಾರು 12 ಸಾವಿರ ರೈತರು ಹಬ್ಬದಲ್ಲಿ ಭಾಗಿಯಾಗಿದ್ದರು.
ಜಯರಾಮನ್ ಅವರು ಸದ್ದಿಲ್ಲದೆ ಭತ್ತದ ಕೃಷಿಯಲ್ಲಿ ಕ್ರಾಂತಿ ಮಾಡಿದ ಬಗೆಯೇ ಕುತೂಹಲಕಾರಿ. ಪ್ರತಿದಿನವೂ 2 ಕಿ.ಗ್ರಾಂ ಬೀಜಗಳನ್ನು ನೀಡಿ, ಮುಂದಿನ ವರ್ಷ 4 ಕಿ.ಗ್ರಾಂ ಮರಳಿಸುವಂತೆ ಕೇಳುವ ಮೂಲಕ ಅವರು ಸ್ಥಳೀಯ ಬೀಜ ಪ್ರಭೇದಗಳ ಪುನಶ್ಚೇತನದ ಕೆಲಸ ಶುರು ಮಾಡಿದರು. ತಿರವರೂರು ವಾರ್ಷಿಕ ಉತ್ಸವಕ್ಕೆ ಈ ಬಗೆಯಲ್ಲಿ ಒಬ್ಬೊಬ್ಬರಿಂದಲೂ 4 ಕಿ.ಗ್ರಾಂಗಿಂತಲೂ ಹೆಚ್ಚು ಬೀಜ ಮರಳತೊಡಗಿತು. ಇದರ ಪರಿಣಾಮವಾಗಿ ಈ ಉತ್ಸವವು ತಮಿಳುನಾಡಿನ ರೈತರಿಗೆ ಒಂದು ಪ್ರಮುಖ ವೇದಿಕೆಯೇ ಆಗಿ ಮಾರ್ಪಟ್ಟಿತು.
ರಾಜ್ಯ ಸರ್ಕಾರದಿಂದ ಜಯರಾಮನ್ ಅವರಿಗೆ ಸತತ ಎರಡು ವರ್ಷ (2012 ಮತ್ತು 2013) ‘ಅತ್ಯುತ್ತಮ ಸಾವಯವ ಕೃಷಿಕ’ ಪ್ರಶಸ್ತಿ ಸಂದಿದೆ. 2015ರಲ್ಲಿ ಅವರು ನ್ಯಾಷನಲ್ ಇನೋವೇಶನ್ ಫೌಂಡೇಶನ್ (ಎನ್ಐಎಫ್)ಕೊಡುವ ‘ಬೆಸ್ಟ್ ಜೀನೋಮ್ ಸಂರಕ್ಷಕ’ ಪ್ರಶಸ್ತಿಯನ್ನು ಗೆದ್ದಿದ್ದಾರೆ.
About the author /
admin
