ಹಾರ ಹಾಕುವ ವಧುವಿಗೆ ಸಹಾಯ ಮಾಡಲು ಹೋಗಿ ವಧುವಿನ ಕೈಯಿಂದ ಕಪಾಳಕ್ಕೆ ಮೋಕ್ಷ ಮಾಡಿಸಿಕೊಂಡ ಬಾವ..!

ಕೆಲವೊಂದು ಭಾರತೀಯ ಹಿಂದೂ ಮದುವೆಗಳಲ್ಲಿ  ವಧು ವರ ಹೂವಿನ ಮಾಲೆ ಹಾಕಿಸಿಕೊಳ್ಳುವ ವೇಳೆ ಸಂಬಂಧಿಕರು ಎತ್ತಿ ಹಿಡಿಯುತ್ತಾರೆ. ಅದು ಕೆಲವರಿಗೆ ಸಂಪ್ರದಾಯಕ್ಕೋಸ್ಕರ ಮಾಡಿದ್ದರೂ ಕೆಲವರು ವಿನೋದಕ್ಕಾಗಿ ಮಾಡುತ್ತಾರೆ.

ಆದೆ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋವೊಂದು ವೈರಲ್‌ ಆಗಿದ್ದು ವಧು ಮಾಲೆ ಹಾಕುವಾಗ ಎತ್ತಿ ಹಿಡಿದ ವ್ಯಕ್ತಿಗೆ ಕಪಾಲಮೋಕ್ಷ ಮಾಡಿದ ಪ್ರಸಂಗ ನಡೆದಿದೆ.

ವರನನ್ನು ಆತನ ಸಂಬಂಧಿಯೊಬ್ಬ ಎತ್ತಿ ಹಿಡಿದು ವಧುವಿಗೆ ಮಾಲೆ ಹಾಕುವಂತೆ ವಧುವಿಗೆ ಹೇಳುತ್ತಾರೆ. ಆಗ ವಧುವನ್ನು ಹಿಂಬದಿಯಲ್ಲಿದ್ದ ಬಾವ ಎತ್ತಿಕೊಳ್ಳುತ್ತಾನೆ. ಮಾಲೆ ವಿನಿಮಯ ಆದ ತಕ್ಷಣ ವಧು ಬಾವನ ಕೆನ್ನೆಗೆ ಭಾರಿಸುತ್ತಾಳೆ.

ಮದುವೆಯ ಸಂಭ್ರಮದಲ್ಲಿದ್ದ ಎಲ್ಲರೂ ಒಂದು ಕ್ಷಣ ದಿಗಿಲಾಗುತ್ತಾರೆ. ಕೂಡಲೆ ಆ ವ್ಯಕ್ತಿ ಅಲ್ಲಿದ್ದ ಪತ್ನಿಯ (ವಧುವಿನ ಅಕ್ಕ) ಕೆನ್ನೆಗೆ ಒಂದೇಟು ಭಾರಿಸಿ ಮಂಟಪದಿಂದ ಸಿಟ್ಟಿನಿಂದ ಹೊರ ನಡೆಯುತ್ತಾನೆ.