ಗಲ್ಫ್ ದೇಶಗಳಲ್ಲಿ ,ಮುಖ್ಯವಾಗಿ ಯುನೈಟೆಡ್ ಅರಬ್ ಎಮಿರೇಟ್ಸ್ ನಲ್ಲಿ ಕಠಿನವಾಗಿ ಕಾನೂನನ್ನು ಜಾರಿಗೊಳಿಸುತ್ತಾರೆ. ನಿಬಂಧನೆಗಳನ್ನು ಉಲ್ಲಂಘಿಸಿದರೆ, ಯಾರಿಗೇ ಆಗಲಿ ಶಿಕ್ಷೆ ತಪ್ಪಿದ್ದಲ್ಲ. ಆದುದರಿಂದ ಇತರೆ ದೇಶಗಳಿಂದ ಬಂದವರು ಅಲ್ಲಿನ ಕಾನುನುಗಳನ್ನು ಅರಿತುಕೊಂಡಿರಬೇಕು.
ಇಲ್ಲದಿಲ್ಲಲ್ಲಿ ಜೈಲುಪಾಲಾಗ ಬೇಕಾಗುತ್ತದೆ. ಇಂತಹುದೇ ಒಂದು ಘಟನೆ ಇತ್ತೀಚೆಗೆ ಬೆಳಕಿಗೆ ಬಂದಿದೆ. 32 ವರ್ಷ ವಯಸ್ಸಿನ ಒಬ್ಬ ಮಹಿಳೆ ಯೂಎಇ ದೇಶದ ಅಬುದಾಬಿ ನಗರದ ಒಂದು ಫ್ಲ್ಯಾಟ್ ನಲ್ಲಿ ವಾಸಿಸುತ್ತಿದ್ದಳು. ಮದುವೆಯಾಗದ ಆ ಯುವತಿ, ತನ್ನ ದೇಶದವನೊಡನೆ ಶಾರೀರಿಕವಾಗಿ ಒಂದಾದಳು.
ಈ ವಿಷಯ ಗೊತ್ತಾಗಿ ಪೊಲೀಸರು ಕೇಸ್ ಹಾಕಿದರು. ಮದುವೆಯಾಗದೆಯೇ, ಮುತ್ತಿಟ್ಟದ್ದು ಹಾಗೂ ಶಾರೀರಿಕ ಸಂಬಂಧ ಬೆಳೆಸಿದ್ದಳು ಎಂಬ ಕಾರಣಗಳನ್ನು ನಮೂದಿಸಿದ್ದರು. ಈ ನಿಟ್ಟಿನಲ್ಲಿ ಆ ಯುವತಿ ಕೋರ್ಟ್ ಗೆ ಹಾಜರಾದಳು.
‘ ಮದುವೆಯಾಗದೆಯೇ ಲೈಂಗಿಕ ಕ್ರಿಯೆಯಲ್ಲಿ ತೊಡಗ ಬಾರದೆಂದು ನಿನಗೆ ಗೊತ್ತಿಲ್ಲವೇ?’ ಎಂದು ನ್ಯಾಯಮೂರ್ತಿಗಳು ಪ್ರಶ್ನಿಸಿದಾಗ, ನನಗೆ ಗೊತ್ತಿಲ್ಲ ಎಂದಳು. ಗೊತ್ತಿಲ್ಲ ಎಂದು ಹೇಳಲು ಇರುವ ಆಧಾರಗಳನ್ನು ನೀಡಬೇಕೆಂದು ಮುಂದೂಡಿದರು.
ಮತ್ತೊಂದು ಕೇಸ್ ನಲ್ಲಿ ಮುದುವೆಯಾಗದೆಯೇ ಮುತ್ತಿಟ್ಟುಕೊಂಡರು ಎಂಬ ಕಾರಣಕ್ಕಾಗಿ ಮತ್ತೊಂದು ಜೋಡಿಯ ಮೇಲೆ ಕೇಸ್ ನಮೂದಿಸಿದ್ದರು. ನಾವು ಮುತ್ತಿಡಲಿಲ್ಲ ಎಂದು ಆಪಾದಿತರು ಕೋರ್ಟ್ ನಲ್ಲಿ ವಾದಿಸುತ್ತಿದ್ದರು. ತಪ್ಪು ಮಾಡಿದ್ದಲ್ಲದೇ..ಮಾಡಿಲ್ಲವೆಂದು ವಾದಿಸುತ್ತೀರಾ? ತಪ್ಪು ಮಾಡಲಿಲ್ಲವೆಂಬುದಕ್ಕೆ ಆಧಾರಗಳನ್ನು ಒದಗಿಸಿ ಎಂದು ಕೇಸನ್ನು ಮುಂದೂಡಿದರು.
ಮದುವೆಯಾಗದೆ ಇಂತಹ ಕೆಲಸಗಳನ್ನು ಮಾಡಿದರೆ ಶಿಕ್ಷೆಯಿಂದ ತಪ್ಪಿಸಿಕೊಳ್ಳಲಾಗದೆಂದು ಎಲ್ಲರೂ ತಿಳಿದುಕೊಳ್ಳಬೇಕೆಂದು ಈ ಸಂದರ್ಭದಲ್ಲಿ ನ್ಯಾಯಮೂರ್ತಿ ವ್ಯಾಖ್ಯಾನಿಸಿದರು.