ಪ್ರಧಾನಿ ನರೇಂದ್ರ ಮೋದಿಅವರನ್ನು ಮದುವೆಯಾಗಬೇಕು ಅಂತ 40 ವರ್ಷದ ಮಹಿಳೆಯೊಬ್ಬರು,ಸೆಪ್ಟೆಂಬರ್ 8ರಿಂದ ದೆಹಲಿಯ ಜಂತರ್ ಮಂತರ್ ಬಳಿ ಧರಣಿ ಕುಳಿತಿದ್ದಾರೆ.

ಈ ಮಹಿಳೆ ಪ್ರಧಾನಿ ಮೋದಿಗೆ ಸೇವೆ ಸಲ್ಲಿಸಬೇಕಂತೆ:-

ರಾಜಸ್ಥಾನದ ಜೈಪುರ ಮೂಲದವರಾದ ಓಂ ಶಾಂತಿ ಶರ್ಮಾ ಎಂಬುವರು ಧರಣಿ ನಡೆಸುತ್ತಿದ್ದು, ತನ್ನ ಮಾನಸಿಕ ಸ್ಥಿತಿ ಚೆನ್ನಾಗೇ ಇದೆ ಎಂದು ಕೂಡ ಆಕೆ ಸ್ಪಷ್ಟಪಡಿಸಿದ್ದಾರೆ. ಈಗಾಗಲೇ ನನಗೆ ವಿವಾಹವಾಗಿದ್ದು, ಸಂಭಂದ ಹದಗೆಟ್ಟ ಕಾರಣ, ನಾನು ಒಬ್ಬಂಟಿಗಳಾಗಿದ್ದೇನೆ ಎಂದು ಹೇಳಿದ್ದಾರೆ.. ಪ್ರಧಾನಿ ಮೋದಿ ಅವರೂ ಒಂಟಿಯಾಗಿದ್ದು,ಪ್ರಧಾನಿ ಮೋದಿಗೆ ಸೇವೆ ಸಲ್ಲಿಸಬೇಕು ಎಂದು ಆಕೆ ಹೇಳಿದ್ದಾರೆ.

ಕಳೆದ ಹಲವು ವರ್ಷಗಳಿಂದ ಒಂಟಿಯಾಗಿದ್ದು, ಸಾಕಷ್ಟು ಮದುವೆ ಪ್ರಸ್ತಾಪಗಳನ್ನ ನಿರಾಕರಿಸಿದ್ದೇನೆ ಎಂದು ಅವರು ಹೇಳಿದ್ದಾರೆ.

ಮೊದಿಯವರನ್ನೇ ಏಕೆ ಮದುವೆಯಾಗಬೇಕೆಂದು ಕೇಳಿದಕ್ಕೆ, ಅವರು ಒಂಟಿಯಾಗಿದ್ದು, ಅವರ ಕೆಲಸಗಳಲ್ಲಿ ಸಹಾಯ ಮಾಡಲು ಅವರನ್ನು ಮದುವೆಯಾಗಬೇಕೆಂದು ಹೇಳಿದ್ದಾರೆ.

ಇವರು ಹೇಳುವ ಪ್ರಕಾರ ಮೋದಿಯವರ ಮೇಲಿರುವ ಮೋಹದಿಂದ ಮದುವೆಯಾಗುತ್ತಿಲ್ಲವಂತೆ,ಅವರನ್ನು ನಾನು ಗೌರವಿಸುತ್ತೇನೆ, ಮತ್ತು ಅವರ ಕೆಲಸ ಕಾರ್ಯಗಳಲ್ಲಿ ನನ್ನ ಕೈಲಾದಷ್ಟು ಸಹಾಯ ಮಾಡಬೇಕು ಎಂಬ ಕಾರಣದಿಂದ ಅವರನ್ನು ಮದುವೆಯಾಗಲು ಬಯಸುತ್ತೇನೆ ಎಂದು ಹೇಳಿದ್ದಾರೆ.

ಓಂ ಶಾಂತಿ ಶರ್ಮಾ ಶ್ರೀಮಂತೆ :-

ಅವರೇ ಹೇಳುವ ಪ್ರಕಾರ, ಇವರಿಗೆ ಸಾಕಷ್ಟು ಹಣ ಮತ್ತು ಜೈಪುರದಲ್ಲಿ ಸಾಕಷ್ಟು ಜಮೀನು ಇದೆ ಎಂದು ಹೇಳಿದ್ದಾರೆ. ಇದಲ್ಲದೆ ಇವರಿಗೆ 20 ವರ್ಷದ ಮಗಳಿದ್ದು, ಆಕೆಯ ಬಗ್ಗೆ ನಾನು ಚಿಂತೆ ಮಾಡುವ ಅಗತ್ಯವಿಲ್ಲ ಎಂದು ಹೇಳಿದ್ದಾರೆ.ತನ್ನಲ್ಲಿರುವ ಸ್ವಲ್ಪ ಜಮೀನನ್ನು ಮಾರಿ ಮೋದಿಗೆ ಉಡುಗೊರೆ ಕೊದಬೇಕೆನ್ದುಕೊಂಡಿದ್ದಾರಂತೆ.

ಮೋದಿಯವರು ನನ್ನನ್ನು ಭೆಟಿಯಾಗುವವರೆಗೂ, ಈ ಸ್ಥಳದಿಂದ ಕದಲುವುದಿಲ್ಲ, ಎಂದು ಹೇಳಿರುವ ಶಾಂತಿಯವರು,ಅಲ್ಲಿನ ಗುರುದ್ವಾರಗಳಲ್ಲಿ ಊಟ ಮಾಡಿ, ಸಾರ್ವಜನಿಕ ಶೌಚಾಲಯ ಬಳಸಿಕೊಂಡು ಧರಣಿ ನಿರತರಾಗಿದ್ದಾರೆ.