ಮುಖ್ಯಮಂತ್ರಿ ಸಿದ್ದರಾಮಯ್ಯನವರು 2018-19ನೇ ಸಾಲಿನ ಬಜೆಟ್ ಮಂಡಿಸಿದ್ದು,ಹಲವಾರು ಹೊಸ ಯೋಜನೆಗಳನ್ನು ಪ್ರಕಟಿಸಿದ್ದಾರೆ.ಇದರಲ್ಲಿ ರೈತರಿಗೂ ಹಲವಾರು ಯೋಜನೆಗಳನ್ನು ಪ್ರಕಟಿಸಿದ್ದು,ಕೃಷಿಗೆ ಹೆಚ್ಚು ಮಾನ್ಯತೆ ನೀಡಿದ್ದಾರೆ.
ಹೌದು,ಕೃಷಿಗಾಗಿ ಅತಿ ಹೆಚ್ಚು ಪಾಲನ್ನು ಈ ಬಜೆಟ್ನಲ್ಲಿ ಇಟ್ಟಿದ್ದು, ಪ್ರತಿಯೊಬ್ಬ ರೈತನ ಖಾತೆಗೆ 10,000ರೂಗಳನ್ನು ನೇರವಾಗಿ ವರ್ಗಾಯಿಸುವ ಯೋಜನೆಯೊಂದನ್ನು ಪ್ರಕಟಿಸಿದ್ದಾರೆ.
ಯಾವ ರೀತಿ..?ಏನಿದು ಯೋಜನೆ…
ಸಿದ್ದರಾಮಯ್ಯನವರು ಪ್ರಕಟಿಸಿರುವ 2018-19ಸಾಲಿನ ಬಜೆಟ್ನ ಈ ಯೋಜನೆಯಲ್ಲಿ, ಪ್ರತಿವರ್ಷ ಪ್ರತಿರೈತನಿಗೆ, ತಲಾ ಒಂದು ಎಕರೆಗೆ 5000ರೂ ನಂತೆ ಗರಿಷ್ಟ 10,000 ರೂಪಾಯಿಗಳನ್ನು ನೇರವಾಗಿ ರೈತನ ಖಾತೆಗೆ ತಲುಪುವಂತೆ ಮಾಡಲಿದ್ದಾರೆ.
ಈ ಯೋಜನೆ ಮಳೆಯನ್ನು ಆಶ್ರಯಿಸಿ ಯಾರು ವ್ಯವಸಾಯ ಮಾಡುತ್ತಾರೋ ಅವರಿಗೆ ಅನ್ವಯಿಸಲಿದೆ, ಮತ್ತು ಈ ಯೋಜನೆಯ ಪ್ರಯೋಜನವನ್ನು 70ಲಕ್ಷ ರೈತರು ಪಡೆಯುವ ಸಾಧ್ಯತೆ ಇದೆ ಎಂದು ಹೇಳಲಾಗಿದೆ.